Rayamangalam
Grama Panchayat

രായമംഗലം ഗ്രാമപഞ്ചായത്തിന്റെ സാമ്പത്തികവും സാമൂഹികവുമായ വികസനത്തിൽ, പ്രത്യേകിച്ച് ദാരിദ്ര്യ നിർമ്മാർജ്ജനത്തിലും സ്ത്രീ ശാക്തീകരണ രംഗത്തും നിർണ്ണായക പങ്കുവഹിക്കുന്ന പ്രസ്ഥാനമാണ് കുടുംബശ്രീ. അടിസ്ഥാന തലത്തിലുള്ള അയൽക്കൂട്ടങ്ങൾ, വാർഡ് തലത്തിലുള്ള ഏരിയ ഡെവലപ്മെന്റ് സൊസൈറ്റി, പഞ്ചായത്ത് തലത്തിലുള്ള കമ്മ്യൂണിറ്റി ഡെവലപ്മെന്റ് സൊസൈറ്റി എന്നീ ത്രിതല സംവിധാനങ്ങളിലൂടെയാണ് രായമംഗത്തെ കുടുംബശ്രീ പ്രവർത്തനങ്ങൾ കാര്യക്ഷമമായി ഏകോപിപ്പിക്കുന്നത്. സാമ്പത്തിക സ്വയംപര്യാപ്തത ലക്ഷ്യമാക്കി ലഘുസമ്പാദ്യ പദ്ധതികളും മൈക്രോ ഫിനാൻസ് വായ്പകളും ലഭ്യമാക്കുന്നതിനൊപ്പം, ഒട്ടേറെ സൂക്ഷ്മ തൊഴിൽ സംരംഭങ്ങളും ജെ.എൽ.ജി ഗ്രൂപ്പുകൾ മുഖേനയുള്ള കാർഷിക മുന്നേറ്റങ്ങളും കുടുംബശ്രീയുടെ നേതൃത്വത്തിൽ മികച്ച രീതിയിൽ നടപ്പിലാക്കുന്നുണ്ട്. 

ഗ്രാമപഞ്ചായത്തുമായി ചേർന്ന് ഭവന രഹിതർക്കുള്ള ലൈഫ് പദ്ധതി, അതിദരിദ്രർക്കുള്ള ആശ്രയ പദ്ധതി, ഹരിത കർമ്മ സേന വഴിയുള്ള മാലിന്യ സംസ്കരണം തുടങ്ങിയ അടിസ്ഥാന ജനക്ഷേമ പ്രവർത്തനങ്ങൾ താഴെത്തട്ടിൽ എത്തിക്കുന്നതിൽ കുടുംബശ്രീ പ്രവർത്തകർ മുൻപന്തിയിലുണ്ട്. കേവലം സാമ്പത്തിക ഉന്നമനം എന്നതിലുപരി, ഗ്രാമീണ വനിതകളുടെ നേതൃപാടവവും ആത്മവിശ്വാസവും വളർത്തുന്നതിലും അശമന്നൂർ ഗ്രാമപഞ്ചായത്തിനെ സമഗ്ര വികസനത്തിലേക്കു നയിക്കുന്നതിലും സി.ഡി.എസ് ഭരണസമിതിയുടെയും മുഴുവൻ അയൽക്കൂട്ടം അംഗങ്ങളുടെയും സേവനം നിസ്തുലമാണ്.

ലഭിക്കുന്ന സേവനങ്ങൾ

• സമ്പാദ്യവും വായ്പകളും
• സൂക്ഷ്മ തൊഴിൽ സംരംഭങ്ങൾ
• സംഘകൃഷി
• ആശ്രയ പദ്ധതി
• ബഡ്സ് സ്കൂളുകൾ
• ബാലസഭ
• സ്നേഹിത ജെൻഡർ ഹെൽപ്പ് ഡെസ്ക്
• വിജിലന്റ് ഗ്രൂപ്പുകൾ
• തൊഴിൽ പരിശീലനം
• ജനകീയ ഹോട്ടലുകൾ
• ലൈഫ് മിഷൻ സഹകരണം

കുടുംബശ്രീ അംഗങ്ങൾ